Related Posts
Category : Sports
ગૌતમ ગંભીર-હાર્દીક પંડયા વચ્ચે નેટ્સ થી દુર અડધો કલાક ચાલી વાતચીત ,ફેન્સમાં ચર્ચાનું કેન્દ્ર
ટીમ ઈન્ડિયા ઈંગ્લેન્ડ સામે ત્રણ મેચની સિરીઝ રમશે. આ સીરીઝ 22 જાન્યુઆરીથી કોલકાતાના ઈડન ગાર્ડનમાં શરૂ થશે, આ સીરીઝ માટે સૂર્યકુમાર યાદવની આગેવાની હેઠળની ટીમ ઈન્ડિયાએ તૈયારીઓ શરૂ કરી દીધી છે. ટીમે પ્રથમ પ્રેક્ટિસ સેશનમાં મેદાન પર ઘણો પરસેવો પાડ્યો હતો. આ દરમિયાન હેડ કોચ ગૌતમ ગંભીર અને સ્ટાર ઓલરાઉન્ડર હાર્દિક પંડ્યા લગભગ અડધા કલાક સુધી કોઈ મુદ્દા પર વાત કરતા જોવા મળ્યા હતા. બંને વચ્ચે ટીમની વાઈસ કેપ્ટનશિપને લઈને લાંબી ચર્ચા થઈ હતી. જોકે સિલેક્શન કમિટીએ અક્ષર પટેલને વાઈસ કેપ્ટન તરીકે પસંદ કરી લીધો છે. પ્રેક્ટિસ સેશન દરમિયાન ગંભીર અને પંડ્યાએ ટીમ નેટથી દૂર રહીને લાંબા સમય સુધી વાત કરી. આ સિવાય ગંભીરે સંજુ સેમસન સાથે પણ અલગથી વાત કરી હતી.
રોહિત-અગરકર ગંભીરના પક્ષમાં ન હતા
એવા અહેવાલો પણ આવ્યા હતા કે ગંભીર ઇચ્છતો હતો કે ચેમ્પિયન્સ ટ્રોફીમાં હાર્દિક પંડ્યાને ટીમ ઇન્ડિયાનો વાઇસ કેપ્ટન બનાવવામાં આવે અને રિષભ પંતની જગ્યાએ સંજુ સેમસનને વિકેટકીપર તરીકે પસંદ કરવામાં આવે, પરંતુ પસંદગી બેઠકમાં કેપ્ટન રોહિત શર્મા અને મુખ્ય પસંદગીકાર અજીત અગરકર પંત અને પંડ્યાને બદલે શુભમન ગિલને ઉપ-કેપ્ટન બનાવવાના પક્ષમાં હતા. આ અંગે પસંદગી બેઠકમાં ચર્ચા થઈ હતી.
સેમસન T20 સીરીઝનો માત્ર એક ભાગ છે
પ્રેક્ટિસ સેશનમાં ગંભીરની પંડ્યા અને સેમસન સાથેની વાતચીતે આ અટકળોને વધુ વેગ આપ્યો છે. સેમસનને માત્ર ઈંગ્લેન્ડ સામેની ટી20 શ્રેણી માટે ટીમમાં પસંદ કરવામાં આવ્યો છે. ઈંગ્લેન્ડ સામેની વનડે શ્રેણી અને ચેમ્પિયન્સ ટ્રોફી માટે તેને ટીમમાં પસંદ કરવામાં આવ્યો ન હતો. જેના પર ટીમ ઈન્ડિયાના નવા બેટિંગ કોચ સિતાંશુ કોટક પણ પહેલા સેશનમાં હાજર રહ્યા હતા.
મોહમ્મદ શમીની વાપસી
પહેલા પ્રેક્ટિસ સેશનમાં બધાની નજર મોહમ્મદ શમી પર હતી, જે લગભગ 14 મહિના પછી ટીમ ઈન્ડિયામાં વાપસી કરવા માટે તૈયાર છે. પ્રેક્ટિસ સેશનમાં તેણે લગભગ બે કલાક બોલિંગ કરી હતી. શમી વર્ષ 2023માં રમાયેલા વનડે વર્લ્ડ કપની ફાઈનલ બાદથી મેદાનથી દૂર હતો. તે પગની ઘૂંટીની ઈજા સાથે સંઘર્ષ કરી રહ્યો હતો.
Load more
